Фестивали ҷумҳуриявии телевизионии ҳаҷвнигорон таҳти унвони “Биё, бо ҳам бихандем!”

Санаи 16.02.2022 дар толори консертии Муассисаи давлатии “Қасри ҷумҳуриявии фарҳанги Данғара” даври якуми Фестивали ҷумҳуриявии телевизионии ҳаҷвнигорон таҳти унвони “Биё, бо ҳам бихандем!” баргузор гардид. Фестивал аз рӯи номинатсияҳои “Интермедия”, “Аскиягӯӣ”, “Тақлидкорӣ”, “Латифагӯӣ”, “Суруди ҳаҷвӣ”, “Монологи ҳаҷвӣ” ва “Саҳначаи ҳаҷвӣ” доир гардид, ки ҳунарпешаҳои театри халқии Муассисаи давлатии “Қасри ҷумҳуриявии фарҳанги Данғара” фаъолона иштирок намуданд. Масъалаҳои доғи рӯз ва таълиму тарбияи насли наврасро ба инобат гирифта, иштирокчиён шартҳои Фетивалро маҳз дар ин мавзӯъ омода намуданд.
Мақсад аз гузаронидани чунин чорабиниҳо ривоҷу равнақ додани фаъолияти гурӯҳҳои ҳаҷвнигории шаҳру ноҳияҳои ҷумҳурӣ, пайдо намудани чеҳраҳои нави ҳаҷвнигор, ҷалби ҳарчи бештари мардум ба ҳазлу мутоиба, мусоидат дар фароғату оромиши шаҳрвандон ва ба ин васила рушди соҳаи ҳаҷву мутоиба дар мамлакат мебошад.
Чорабинӣ дар сатҳи баланди эҷодӣ ва дар доираи шартҳои Фестивал ба анҷом расид.