Конфренсияи илмӣ-маърифатӣ таҳти унвони
“Пешвои миллат ҳомии ҳифзи давлатдории миллӣ”
Санаи 14.11.2024 бахшида ба 32 солагии Иҷлосияи XVI Шӯрои Олии Тоҷикистон ва Рӯзи Президенти Ҷумҳурии Тоҷикистон дар толори Муассисаи давлатии “Қасри ҷумҳуриявии фарҳанги Данғара” Конференсияи илмӣ-маърифатӣ таҳти унвони “Пешвои миллат ҳомии ҳифзи далатдории миллӣ” баргузор гардид.
Конференсия дар ду қисм: илмӣ ва фарҳангӣ гузаронида шуд. Дар қисми аввал роҳбари Муассиса Муродализода Ҷамшед кори конференсияро ҳусни оғознамуд.
Қайд карда шуд, ки тоҷикон дар ҳудуди 1000 соли бедавлатӣ ба истиқлолияти давлатӣ дастёб шуд. Аммо мутаасифона бадхоҳон ва фурухташудагони давлату миллат аз рӯи ғариза кишварро ба оташи ҷанги таҳмилии шаҳрвандӣ кашонданд. Хушбахтона бо дуои пиру ҷавони кишвар дар раванди Иҷлосияи XVI Шӯрои Олӣ ба тақдири миллат сарвари оқилу матинирода Эмомалӣ Раҳмон ба зимоми давлат омад. Пешвои миллат кори худро аз сулҳу осоиштагӣ ва муттаҳид кардани мардум оғоз кард. Бо хиради волои худ тавонист дар як муддати кӯтоҳи таърихӣ моро ба ин рӯзҳои фараҳ расонад.
Сипас,аз ҷониби кормандон дар мавзӯъҳои: “Саҳми Пешвои миллат дар рушди фарҳанги миллӣ”, Пешвои миллати мо- сиёсатмадори сатҳи ҷаҳонӣ”, “Сарвари мо ғамхори мо”, ва “Пешвои мо ифтихори ҳар як тоҷики ҷаҳон” маърузаҳо тақдим карда шуд.
Қисмати дуюми чорабинӣ бо пешкаши барномаи фарҳангӣ- театрӣ аз ҷониби ҳунармандони Муассиса таҳти унвони “Наҷотбахши миллат” баргузор гашт.
