Ҳамоиши илмӣ ва аксияи “Бо Пешвои миллат ифтихор дорем”
Имрӯз 8.11.2024 Ҳамоиши илмӣ ва аксияи “Бо Пешвои миллат ифтихор дорем” бо иштироки ҳайати ходимони илмӣ ва илмомӯзони Институти фалсафа, сиёсатшиносӣ ва ҳуқуқи АМИТ дар Муассисаи давлатии “Қасри ҷумҳуриявии фарҳанги Данғара” гузаронида шуд.
Ҳайати ходимони илмӣ ва илмомӯзон аз китобхона, осорхона ва толорҳои мунаққаши муассиса дидан намуданд.
Дар оғози ҳамоиши илмӣ роҳбари Муассиса Муродализода Ҷамшед меҳмононро барои ташрифашон ба ноҳияи Данғара хайрамақдам гуфта, иброз дошт, ки ҳамкориҳо ҷиҳати ташкил ва баргузор намудани ҳамоишҳои илмӣ ба маънавият ва рушди зеҳнии мардум мусоидат мекунад.
Боиси зикр аст, ки иштирокдорони ҳамоиш вобаста ба мавзӯъҳои нақши Пешвои миллат дар таҳкими ғояҳои миллӣ, устувории давлатдорӣ дар замони муосир, садоқат ба Ватан, эҳтиром ба арзишҳои миллӣ, эҳтиром ба калонсолон ва дигар мавзӯъҳои муҳим ибрози назар намуданд.
