Конфренсияи илмӣ-маърифатӣ дар мавзӯи “Таҳкими Ваҳдати миллӣ омили рушди давлатдорӣ” бахшида ба 28-умин солгарди имзои Созишномаи умуми истиқрори сулҳ ва ризоияти миллӣ
Санаи 26 июни соли 2025дар Муассисаи давлатии “Қасри ҷумҳуриявии фарҳанги Данғара” бахшида ба 28-умин солгарди имзои Созишномаи умуми истиқрори сулҳ ва ризоияти миллӣ Конфренсияи илмӣ-маърифатӣ дар мавзӯи “Таҳкими Ваҳдати миллӣ омили рушди давлатдорӣ” баргузор гардид. Чорабинии мазкур аз ду қисм, қисми якум илмӣ ва қисми дуюм фарҳангӣ гузаронида шуд. Дар қисми аввал роҳбари Муассиса кори конфренсияро оғоз намуд. Сипас моҳияти имзои “Созишномаи умуми истиқрори сулҳ ва ризоияти миллӣ” аз назари илмӣ муҳиму арзишманд будани ин ҷашни миллиро заминаи рушди минбаъдаи давлвтдории муосири тоҷик донист. Ҳамзамон як қатор кормандон дар мавзуҳои: “Ваҳдат асоси таҳким ва ташакули давлати миллӣ”, “Ваҳдат қудрати миллату давлат”, “Ваҳдат асоси рушди ҷомеаи мутамаддин” ва “Ваҳдат бақои миллат” суханрониҳо намуданд. Қисмати дуюми чорабинӣ барномаи фарҳангӣ- театри дар бар мегирифт, ки аз ҷониби кормандони Муассиса омода гардида пешкаши ҳозирин гардонида шуд.
