КОНФЕРЕНСИЯИ ИЛМӢ – НАЗАРИЯВӢ ДАР МАВЗӮИ
“ҲИЗБИ ХАЛҚИИ ДЕМОКРАТИИ ТОҶИКИСТОН МУТТАҲИДКУНАНДАИ МАРДУМ
БАҲРИ ЗИНДАГИИ АРЗАНДА”
Санаи 06.12.2024 бахшида ба 30- солагии Ҳизби Халқии Демократии Тоҷикистон дар толори Муассисаи давлатии “Қасри ҷумҳуриявии фарҳанги Данғара” Конференсияи илмӣ – назариявӣ дар мавзӯи “Ҳизби Халқии Демократии Тоҷикистон муттаҳидкунандаи мардум баҳри зиндагии арзанда” баргузор гардид, ки дар кори он муовини раиси ноҳияи Данғара Ҳакимзода Зуҳро, директори генералии Муассисаи давлатии “Қасри ҷумҳуриявии фарҳанги Данғара” Муродализода Ҷамшед, намояндаи Кумитаи иҷроияи Ҳизби Халқии Демократии Тоҷикистон дар ноҳияи Данғара Раҷабзода Ҳоким ва ҳайати кормандони муассиса иштирок доштанд.
Нахуст, дар қисми аввали Конференсия роҳбари муассиса Муродализода Ҷамшед бо сухани ифтитоҳӣ ҳозиринро ба 30- солагии таъсисёбии Ҳизби Халқии Демократии Тоҷикистон муборак бод гуфт. Қайд кард, ки санаи 10 декабри соли 1994 дар Анҷумани муассисони ҳизб дар бораи ташкилёбии Ҳизби Халқии Демократии Тоҷикистон қарор қабул карда шуд. Ҳизби Халқии Демократии Тоҷикистон дар тӯли 30- соли фаъолият таҳти сарварии Пешвои миллат, Раиси муаззами Ҳиззби Халқии Демократии Тоҷикистон муҳтарам Эмомалӣ Раҳмон дар татбиқи ҳадафҳои созанда ва рушди босуботи Тоҷикистони саҳми босазо гузошта истодааст.
Зимни суханронии хеш муовини раиси ноҳияи Данғара Ҳакимзода Зуҳро бахшида ба 30- солагии Ҳизби Халқии Демократии Тоҷикистон андешаронӣ намуд. Қайд карда шуд, ки Ҳизби Халқии Демократии Тоҷикистон дар арсаи сиёсати давлатӣ ба ормонҳои миллӣ ва ҳувияти миллӣ арҷ гузошта, хизмат ба мардумро асосӣ фаъолият медонад.
Сипас, аз ҷониби кормандон дар мавзӯъҳои: “30- соли саршор аз муваффақияту комёбиҳо”, “Ҳизби Халқии Демократии Тоҷикистон ҳамқадами замон” ва “Рисолати таърихии Ҳизби Халқии Демократии Тоҷикистон дар таҳкими пояҳои истиқлолияти давлатӣ” маърӯзаҳо пешкаш карда шуд.
