Конференсияи илмӣ–маърифатӣ
дар мавзӯи “Ҷавонон дар меҳвари идеологияи миллӣ”
бахшида ба Рӯзи ҷавонони Тоҷикистон
Санаи 22.05.2026 Конференсияи илмӣ – маърифатӣ дар мавзӯи “Ҷавонон дар меҳвари идеологияи миллӣ” бахшида ба Рӯзи ҷавонони Тоҷикистон баргузор гардид. Дар чорабинӣ муовини Раиси ноҳияи Данғара Ҳакимзода Зуҳро, мудири бахши кор бо ҷавонон ва варзиши ноҳияи Данғара Раҳимзода Фаридун, хонандагони Мактаби Президентӣ барои кӯдакони бо лаёқат дар ноҳияи Данғара, Гимназияи ҷумҳуриявии ноҳияи Данғара ва кормандони Муассиса ширкат варзиданд.
Конференсия аз ду қисм иборат буд; илмӣ ва фарҳангӣ.Сараввал Роҳбари Муассиса Муродализода Ҷамшед кори конференсияро ҳусни оғоз бахшида,меҳмонон ва кормандонро ба Рӯзи ҷавонони Тоҷикистон табрик намуд. Зимни суханронии хеш дар бораи идеологияи миллӣ ва сиёсати давлатӣ дар самти ҷавонон ибрози андеша намуд.
Сипас, сухани табрикотӣ ба муовини Раиси ноҳияи Данғара Ҳакимзода Зуҳро дода шуд. Қайд кард ки, ҷавонон бояд аз шароити мусоиди фароҳамовардашуда самаранок истифода бурда, худро вориси ин сарзамину ин миллат ҳисобанд. Баъдан, мудири бахши кор бо ҷавонон ва варзиши ноҳияи Данғара Раҳимзода Фаридун бо сухани табрикотии хеш зери шиори Ҷавонон ояндаи миллат баромад намуд. Ҳамзамон аз тарафи кормандони Муассиса маърӯзаҳои илмӣ-маърифатӣ дар бораи мавзӯъҳои мухталиф оид ба идеологияи миллӣ ва сиёсати давлатии ҷавонон шунидашуд.
Дар қисмати дуюм чорабинӣ барномаи фарҳангию театрӣ аз тарафи ҳунармандони Муассиса пешкаши ҳозирин гардонида шуд.
